ٹرولنگ کیا ہے؟

مچھلی کے شکار کا جدید طریقہ جو بیرونِ ملک ایجاد ہوا اور اب پاکستان میں بھی اسے کافی مقبولیت حاصل ہو چکی ہے۔ٹرولنگ  (Trolling) ایک ایسی ماہی گیری کی تکنیک ہے جس میں چلتی ہوئی  کشتی میں   Lures  یا   Baits  کو کشتی سے پانی میں  مختلف دوری پر چھوڑ دیا جاتا ہے تاکہ مچھلیوں کو اپنی طرف راغب کیا جا سکے۔ اس تکنیک میں مختلف گہرائیوں اورکشتی کی  رفتاروں پر  Lures  استعمال کیے جاتے ہیں۔ یہ تکنیک خاص طور پر بڑی اور تیز رفتار مچھلیوں کے شکار کے لیے مؤثر ہے، جیسے سرمئی،   کند (Barracuda)،   ٹونا،  سنگرا، سارم اور گھوڑ وغیرہ    ۔

ٹرولنگ زیادہ تر گہرے سمندر میں کی جاتی ہے جبکہ گھسر کے لیے ٹرولنگ کم گہرے اور کنارے پر پتھراٹی کے قریب کی جاتی ہے۔ عام طور گہرائی کی مناسبت سے سمندر  کی  دو اقسام پائی جاتی ہیں: 

1. ان شور    (Inshore)یا کم گہرائی والے حصے                2.   آف شور    (Offshore) یا زیادہ گہرائی والے حصے

پاکستان میں سمندر صرف سندھ اور بلوچستان میں پائے جاتے ہیں اور زیادہ تر شکاری ان شور (Inshore)میں ہی شکار کرتے ہیں۔ اس لیے یہاں جو معلومات فراہم کی جائیں گی وہ اسی کے حوالے سے ہوں گی۔ 

ان شور اور آف شور کے درمیان فاصلہ اور حدود

سمندر میں ان شور اور آف شور کے علاقے عام طور پر ساحل سے فاصلے، پانی کی گہرائی، اور مخصوص سمندری خصوصیات کی بنیاد پر طے کیے جاتے ہیں۔

ان شور (In-shore)

• فاصلہ: یہ ساحل سے شروع ہو کر تقریباً 12 ناٹیکل میل (23 کلومیٹر) تک ہوتا ہے، علاقے کے لحاظ سے فرق ہو سکتا ہے۔
• پانی کی گہرائی: عام طور پر گہرائی 200 میٹر (656 فٹ) تک ہوتی ہے، جو کانٹینینٹل شیلف (continental shelf) کے علاقے کو شامل کرتی ہے۔

خصوصیات:

• کم گہرے پانی، جن میں اکثر زمینی نشانیاں (landmarks) یا وریل کی چٹانیں نظر آتی ہیں۔
• یہاں مد و جزر، لہروں اور ساحلی دھاروں کا زیادہ اثر ہوتا ہے۔
• زمین سے غذائی اجزاء کے بہاؤ کی وجہ سے یہاں سمندری مخلوق اور مختلف مچھلیوں  وغیرہ کی بھرمار ہوتی ہے۔

آف شور(Off-Shore)

• فاصلہ: یہ 12 ناٹیکل میل (23 کلومیٹر) کے بعد شروع ہوتا ہے اور200 ناٹیکل میل (370 کلومیٹر)  کھلے سمندر  تک ہے
• پانی کی گہرائی: عام طور پر گہرائی 200 میٹر (656 فٹ) سے3000 میٹر (9842 فٹ)  تک ہوتی ہے، اور یہ گہرے سمندر یا “پیلجک زون” (Pelagic Zone) تک پہنچ جاتا ہے۔

خصوصیات:

• زیادہ گہرے پانی، جو ساحلی اثرات سے کم متاثر ہوتے ہیں۔
• بڑی pelagic مچھلیوں جیسے ٹونا، مارلن، اور شارک کے مسکن۔
• یہاں سرگرمیاں (جیسے مچھلی پکڑنا یا تیل کی تلاش) کے لیے بڑے اور بہتر سازوسامان والی کشتیاں ضروری ہوتی ہیں۔

ان حدود کا تعین مقامی جغرافیہ، قانونی تعریفوں، اور مختلف مقاصد (مثلاً مچھلی کے زون یا ماحولیاتی انتظام) کے لحاظ سے مختلف ہو سکتا ہے۔

  ٹرولنگ کے ذریعے شکار     کا طریقہ

ٹرولنگ کے ذریعے ان مچھلیوں کا شکار کیا جاتا ہے جو پانی کی سطح پر تیرتی ہیں جیسے سرمئی، ٹونا، مارلن، آبڑوس، کُند وغیرہ۔ بعض اوقات نیچے کی مچھلی بھی شکار ہو جاتی ہے۔ٹرولنگ فشنگ کا طریقہ کار تھوڑا مختلف ہے۔ اس میں مصنوعی چارہ، جسے “جھیری” یا  Lure  کہا جاتا ہے،  یہ چلتی ہوئی کشتی میں استعمال کیا جاتا ہے۔  ٹرولنگ میں  Lure  کو راڈ اور ریل کی مدد سے لائن پر لگا کر چلتی کشتی کے پیچھے ایک خاص لمبائی پر چھوڑ دیا جاتا ہے۔ کشتی کو ایک خاص رفتار پر چلایا جاتا ہے جس سے مچھلی کو چارہ حرکت کرتا ہوا دکھائی دیتا ہے اور وہ اس پر حملہ کرتی ہے اور  Lure  میں پھنس جاتی ہے۔  ٹرولنگ میں جو ریل استعمال کی جاتی ہے، اس میں یہ خاصیت ہوتی ہے کہ جب مچھلی پھنس  جائے تو ریل میں موجود ایک بٹن، جسے  Clicker  کہا جاتا ہے، کی مدد سے ریل آواز نکالنے لگتی ہے۔ اس سے شکاری کو پتا چل جاتا ہے کہ مچھلی ہک میں پھنس چکی ہے۔  یاد رہے کہ ٹرولنگ صرف دن کے وقت کی جاتی ہے، رات کے وقت یہ ممکن نہیں ہوتی۔ 

ٹرولنگ میں     کس کشتی کا استعمال   کرنا چاہئیے؟

ٹرولنگ اگرچہ کسی بھی کشتی میں کی جا سکتی ہے، لیکن بہتر نتائج حاصل کرنے کے لیے چھوٹی کشتی، جسے “ہوڑہ” کہا جاتا ہے، استعمال کی جاتی ہے۔  کراچی اور گردونواح کے ماہی گیر روایتی انداز سے لے کر جدید مشینری تک مختلف کشتیوں اور سامان کا استعمال کرتے ہیں۔ ان کشتیوں میں استعمال ہونے والے سامان، ان میں افراد کی گنجائش، لمبائی، سمندر میں فاصلے،اور  رفتار کا انتخاب شکار کی نوعیت پر منحصر کرتا ہے۔

ہوڑی

سامان: چپو، چھوٹا انجن (کبھی کبھار)، چھوٹا جال، پلاسٹک کی بالٹیاں، اینکر۔

افراد کی گنجائش: 1-2 افراد۔لمبائی: 10-12 فٹ۔

سمندر میں فاصلہ: ساحل کے قریب 2-5 کلومیٹر تک۔زیادہ سے زیادہ رفتار: 5-10 کلومیٹر فی گھنٹہ۔

ہوڑہ یا ہوڑا

سامان: دستی چپو، چھوٹا انجن، مچھلی پکڑنے کا جال، پانی کی بالٹیاں، فلوٹ، اینکر۔

افراد کی گنجائش: 3-4 افراد۔لمبائی: 15-20 فٹ۔

سمندر میں فاصلہ: 5-10 کلومیٹر تک۔زیادہ سے زیادہ رفتار: 10-15 کلومیٹر فی گھنٹہ۔

    ٹرولنگ کا موسم یا سیزن 

ان شور ٹرولنگ کا موسم مختلف عوامل پر منحصر ہوتا ہے، جیسے پانی کا درجہ حرارت، مچھلی کی موجودگی، اور موسم۔ یہاں پاکستان میں ٹرولنگ کے لیے موزوں اوقات کا ذکر کیا گیا ہے:

 ان شور ٹرولنگ کا بہترین موسم

• اگست سے اکتوبر (مون سون کے بعد):

• مون سون کے بعد پانی نسبتاً صاف ہو جاتا ہے، اور مچھلیاں خوراک کی تلاش میں سطح کے قریب آتی ہیں۔
• یہ وقت خاص طور پر سرمئی (King Mackerel)، گلپت (Trevally)، اور کندکے شکار کے لیے موزوں ہے۔

Barracuda – جیرا کند	Giant Trevally-گلپت	King Mackerel- سرمئی
	Grouper-گھسر	Cobia-سنگرا

فروری سے اپریل:

• سردیوں کے خاتمے اور بہار کے آغاز کے دوران سمندر کا درجہ حرارت مچھلیوں کے لیے موزوں ہو جاتا ہے۔
• یہ موسم آبڑوس (Dorado, Mahi Mahi )، ٹونا (Tuna)، صافی اور دیگر اقسام کی مچھلیوں کے لیے بہترین ہے۔

ٹونا	آبڑوس	امبرجیک۔ صافی

موسم کے مطابق اہم نکات

1. مون سون کے دوران ٹرولنگ سے گریز کریں:
   • جون سے اگست تک مون سون کے دنوں میں سمندر کی لہریں بلند ہوتی ہیں، جو ٹرولنگ کے لیے خطرناک ہو سکتی ہیں۔
2. درجہ حرارت اور پانی کی کیفیت پر توجہ دیں:
   • مچھلیاں عام طور پر اس وقت زیادہ متحرک ہوتی ہیں جب پانی کا درجہ حرارت معتدل (22-28 ڈگری سینٹی گریڈ) ہو۔
3. صبح اور شام کا وقت:
   • پاکستان کے ساحلی علاقوں میں مچھلیاں صبح سویرے اور شام کے وقت یا سنجارے میں زیادہ فعال ہوتی ہیں۔

ٹرولنگ کے لیے درکارآلات

ٹرولنگ میں کم از کم 1 اور زیادہ سے زیادہ 5 راڈ ریلز استعمال کی جا سکتی ہیں۔ زیادہ تر ہوڑہ میں 4 راڈ ریلز استعمال کی جاتی ہیں۔ 

ٹرولنگ کے لیے استعمال ہونے والے سامان میں چار اہم چیزیں شامل ہیں: 

1. راڈ                   2.   ریل  یا مشین                 3.   لائن  یا ڈوری                  4.   جھیری (Lure)    

        ٹرولنگ کے لیے فشنگ راڈز

ٹرولنگ میں فشنگ راڈ کا انتخاب انتہائی اہم ہوتا ہے، خاص طور پر ان شور (Inshore) فشنگ کے لیے۔ راڈ کی اقسام، ایکشن، مواد، اور مخصوص خصوصیات پر انحصار کرتے ہوئے، مختلف راڈز استعمال کیے جاتے ہیں۔ ذیل میں ٹرولنگ کے لیے راڈز کی تفصیل دی گئی ہے:

راڈ کی اقسام (Types)

• کنوینشنل راڈز (Conventional Rods):
  یہ راڈز ٹرولنگ کے لیے عام طور پر استعمال ہوتی ہیں اور زیادہ مضبوط ہوتی ہیں تاکہ بھاری مچھلیوں کو پکڑ سکیں۔
• اسپننگ راڈز (Spinning Rods):
  ہلکی مچھلیوں کے لیے استعمال ہوتی ہیں، لیکن ٹرولنگ میں زیادہ عام نہیں ہیں۔
• سٹینڈ اپ راڈز (Stand-Up Rods):
  ان شور ٹرولنگ کے دوران بھاری مچھلیوں کے لیے استعمال ہوتی ہیں، خاص طور پر جب کشتی میں کھڑے ہو کر مچھلی پکڑنی ہو۔

اسپننگ راڈز (Spinning Rods)	کنوینشنل راڈز (Conventional Rods):	سٹینڈ اپ راڈز (Stand-Up Rods):

راڈ کا ایکشن (Action)

راڈ کی ایکشن اس کی لچک اور مچھلی کے وزن کو سنبھالنے کی صلاحیت کو ظاہر کرتی ہے:

• فاسٹ ایکشن (Fast Action):
  راڈ صرف اوپر کے حصے میں جھکتی ہے اور بڑی مچھلی کے لیے بہتر ہوتی ہے۔
• میڈیم ایکشن (Medium Action):
  راڈ درمیانی حصے تک جھکتی ہے، جو درمیانے سائز کی مچھلیوں کے لیے موزوں ہے۔
• سلو ایکشن (Slow Action):
  پوری راڈ جھکتی ہے، لیکن یہ عام طور پر ٹرولنگ کے لیے کم استعمال ہوتی ہے۔

راڈ کا مواد (Material of Rod)

• گلاس فائبر (Fiberglass):

• سخت اور مضبوط مواد، بھاری مچھلیوں کے لیے بہترین۔
• وزن زیادہ ہوتا ہے اور لچکدار ہوتا ہے۔

• کاربن فائبر/گریفائٹ (Carbon Fiber/Graphite):

• ہلکا وزن، حساس اور زیادہ لچکدار۔
• بڑی مچھلیوں کے لیے کم موزوں لیکن ان شور ٹرولنگ میں کارآمد۔

• کمپوزٹ (Composite):

• گلاس فائبر اور کاربن فائبر کا امتزاج۔
• مضبوطی اور حساسیت دونوں کا توازن فراہم کرتا ہے۔

ان شور ٹرولنگ کے لیے تجویز کردہ راڈز

ڈائیوا سیز لائنر (Daiwa Sealine): ان شور ٹرولنگ کیلئے ایک بہترین آپشن، خاص طور پر مضبوط لائنز کے لیے۔	شیما نو ٹی ایل ڈی (Shimano TLD): ہلکے وزن کی راڈ، جو لمبے عرصے تک استعمال کیلئے آرام دہ ہے۔

 

ان شور ٹرولنگ کے لیے سخت اور مضبوط راڈز کا انتخاب کریں، جو 20-60 lbs کے وزن کو سنبھال سکیں۔ کاربن فائبر یا کمپوزٹ راڈز ہلکے وزن کے ساتھ بہتر کارکردگی فراہم کرتے ہیں، جبکہ گلاس فائبر راڈز بھاری مچھلیوں کے لیے زیادہ موزوں ہیں۔ راڈ کا انتخاب ہمیشہ اپنے ہدف کی مچھلی اور پانی کی گہرائی کے مطابق کریں۔

ٹرولنگ کے لیے فشنگ ریلز  یا مشین:

ٹرولنگ میں فشنگ ریلز کا انتخاب انتہائی اہمیت رکھتا ہے، خاص طور پر ان شور (Inshore) فشنگ کے لیے۔ ریلز کی اقسام، ایکشن، خصوصیات، رفتار، اور ان شور کے لیے تجویز کردہ ریلز کی تفصیل درج ذیل ہے:

ریل یا مشین کی اقسام (Types of Reels)

• کنوینشنل ریلز (Conventional Reels):
  یہ ٹرولنگ کے لیے سب سے عام اور موزوں ہیں۔ بھاری لائنز اور بڑی مچھلیوں کو سنبھالنے کے لیے ڈیزائن کی گئی ہیں۔
• اسپیننگ ریلز (Spinning Reels):
  ان شور ٹرولنگ میں کم استعمال ہوتی ہیں لیکن ہلکی اور درمیانے وزن کی مچھلیوں کے لیے مفید ہیں۔
• بیٹ کاسٹنگ ریلز (Baitcasting Reels):
  زیادہ کنٹرول فراہم کرتی ہیں اور چھوٹی یا درمیانی مچھلی کے لیے استعمال ہوتی ہیں۔

مشین یا ریل ایکشن (Reel Action)

ریل کی ایکشن اس کی لائن نکالنے اور واپس کھینچنے کی صلاحیت کو ظاہر کرتی ہے:

• ڈریگ سسٹم (Drag System):

• مضبوط ڈریگ سسٹم بڑی مچھلیوں کو قابو کرنے کے لیے اہم ہے۔
• ان شور کے لیے 30-40 lbs کی ڈریگ کی صلاحیت کافی ہوتی ہے۔
• ڈریک سسٹم 2 قسم کے ہوتے ہیں۔ اسٹار ڈریگ، جو اک ستارے کی مانند یا چرخی کی طرح ہوتا ہے۔ جبکہ لیور ڈریگ ایک مظبوط ہینڈل کی مانند ہوتا ہے۔

کِلِکر فیچر (Clicker Feature):

• جب مچھلی ہک میں پھنسے تو ریل آواز نکالتی ہے تاکہ شکاری کو پتہ چل جائے۔

خصوصیات (Features)

• بناوٹ میں استعمال ہونے والا مواد ( Material used in construction ):
• زیادہ تر ریلز ایلومینیم یا گریفائٹ سے بنی ہوتی ہیں۔
  • ایلومینیم ریلز: زیادہ مضبوط لیکن وزن میں بھاری۔
  • گریفائٹ ریلز: ہلکی لیکن کم مضبوط۔
• لائن کی گنجائش (Line Capacity):
  ان شور ٹرولنگ کے لیے ریل میں کم از کم 200-300 گز لائن کی گنجائش ہونی چاہیے۔
• گیئر سسٹم (Gear System):
  گیئرز کا معیار ریل کی کارکردگی پر اثر انداز ہوتا ہے۔ زیادہ پائیدار گیئرز بڑی مچھلیوں کے لیے بہتر ہوتے ہیں۔

رفتار (Speed)

ریل کی رفتار گیئر ریشو (Gear Ratio) پر منحصر ہوتی ہے:

• ہلکی  اسپیڈوالی  ریلز (Low-Speed Reels):

• گیئر ریشو: 4:1 یا اس سے کم۔
• بڑی اور بھاری مچھلیوں کو کھینچنے کے لیے موزوں۔

• زیادہ  اسپیڈوالی  ریلز (High-Speed Reels):

• گیئر ریشو: 6:1 یا اس سے زیادہ۔
• جلدی لائن واپس کھینچنے کے لیے مفید، لیکن بھاری مچھلیوں کے لیے کم موزوں۔

ان شور ٹرولنگ کے لیے تجویز کردہ ریلز (Recommended Reels for Inshore Trolling)

• پین انٹرنیشنل (Penn International):
  بھاری مچھلیوں کے لیے ایک مضبوط اور قابل اعتماد ریل۔
• شیما نو ٹی ایل ڈی (Shimano TLD):
  ہلکی، پائیدار اور ان شور فشنگ کے لیے بہترین۔
• اوکما ماکائرا (Okuma Makaira):
  مضبوط ڈریگ سسٹم کے ساتھ بھاری اور درمیانی مچھلیوں کے لیے موزوں۔
• ڈائیوا سی لائن (Daiwa Sealine):
  ان شور ٹرولنگ کے لیے ایک سستی اور پائیدار آپشن۔

Daiwa Sealine	PENN International
Okuma MAKIRA	Shimano TLD 50

ٹرولنگ کے لیے ریلز کا انتخاب کرتے وقت ڈریگ سسٹم، لائن کی گنجائش، گیئر ریشو، اور مواد پر خاص توجہ دیں۔ ان شور فشنگ کے لیے 15-30 lbs ڈریگ کی صلاحیت والی ریلز اور 30-40 lbs لائن والی ریلز موزوں ہوتی ہیں۔ بھاری مچھلیوں کے لیے کنوینشنل ریلز سب سے بہتر ہیں، جبکہ ہلکی مچھلیوں کے لیے اسپیننگ یا بیٹ کاسٹنگ ریلز بھی استعمال کی جا سکتی ہیں۔

     لائن   یا ڈوری : ان شور ٹرولنگ کے لیے بہترین فشنگ لائن کا انتخاب

ان شور ٹرولنگ میں پانی کی گہرائی کم ہوتی ہے، اور عام طور پر مچھلیاں سطح کے قریب یا درمیانی گہرائی میں ہوتی ہیں۔ اس لیے لائن کا انتخاب کرتے وقت پانی کی گہرائی، شکار کی قسم، اور شکار کے طریقے کو مدنظر رکھنا ضروری ہے۔ آئیے ان شور ٹرولنگ کے لیے موزوں لائنز اور ان کی خصوصیات پر بات کرتے ہیں:

مونوفلامنٹ لائن (Monofilament Line)

ان شور ٹرولنگ کے لیے مونوفلامنٹ لائن سب سے زیادہ استعمال کی جاتی ہے۔

• خصوصیات:

• زیادہ لچکدار ہوتی ہے، جو مچھلی کے اچانک جھٹکوں کو برداشت کرنے میں مدد دیتی ہے۔
• درمیانی رفتار پر چلنے والی کشتیوں کے لیے بہترین ہے۔
• قیمت میں مناسب اور آسانی سے دستیاب ہوتی ہے۔

• طاقت یا پاؤنڈ ریٹ:
• ان شور کے لیے 30 سے 40 پاؤنڈ کی مونوفلامنٹ لائن کافی ہوتی ہے۔
• استعمال کا موقع:
  ان شور شکار جیسے سرمئی (King Mackerel) ، کند، سارم ، اور دیگر درمیانی سائز کی مچھلیوں کے لیے بہترین ہے۔

بریڈڈ لائن (Braided Line)

بریڈڈ لائن ان شور ٹرولنگ میں ان مچھلیوں کے لیے استعمال ہوتی ہے جو زیادہ طاقتور یا سختی سے لڑتی ہیں۔

• خصوصیات:

• پتلی اور مضبوط ہوتی ہے، جس سے دور تک لائن ڈالنا آسان ہوتا ہے۔
• زیادہ گہرائی میں چارا پہنچانے کے لیے بہتر ہے۔
• لائن زیادہ وزن برداشت کر سکتی ہے۔

• طاقت یا پاؤنڈ ریٹ:
  ان شور ٹرولنگ کے لیے 20 سے 40 پاؤنڈ کی بریڈڈ لائن کافی ہے۔
• استعمال کا موقع:
  بڑی اور زیادہ لڑاکا مچھلیوں جیسے ٹونا ، آبڑوس، سنگرا  (Cobia)وغیرہ کے شکار میں موثر ہے۔

فلوروکاربن لائن (Fluorocarbon Line)

یہ لائن ان شور ٹرولنگ میں خاص طور پر استعمال ہوتی ہے جب پانی زیادہ شفاف ہو اور مچھلیاں لائن دیکھنے کی صلاحیت رکھتی ہوں۔

• خصوصیات:

• پانی میں نظر نہ آنے والی خصوصیات کی حامل ہوتی ہے۔
• زیادہ سختی کی وجہ سے مچھلی کے دانت یا رکاوٹوں کے خلاف مزاحمت کرتی ہے۔
• مونوفلامنٹ کے مقابلے میں زیادہ مہنگی ہے۔

• طاقت یا پاؤنڈ ریٹ:
  ان شور کے لیے 15 سے 30 پاؤنڈ کی فلوروکاربن لائن استعمال کریں۔
• استعمال کا موقع:
  شفاف پانی یا شکاری مچھلیوں (Predatory Fish) کے شکار میں کارآمدہے۔

لائن کی تجویز

ان شور ٹرولنگ کے لیے عام طور پر مونوفلامنٹ یا بریڈڈ لائن کا انتخاب کیا جاتا ہے۔ اگر آپ زیادہ سخت یا شفاف پانی میں شکار کر رہے ہیں تو فلوروکاربن لائن کا استعمال کریں۔

لائن کی لمبائی اور تناؤ

• لمبائی: ان شور ٹرولنگ کے لیے 150 سے 300 میٹر کی لائن کافی ہوتی ہے۔
• تناؤ (Drag Setting): لائن کا تناؤ 20-30% پاؤنڈ ٹیسٹ پر سیٹ کریں تاکہ لائن نہ ٹوٹے۔

ان شور ٹرولنگ کے لیے مونوفلامنٹ لائن سب سے زیادہ موزوں ہے، کیونکہ یہ کم گہرے پانی اور درمیانے سائز کی مچھلیوں کے لیے بہترین کام کرتی ہے۔ تاہم، بڑی اور سخت لڑنے والی مچھلیوں کے لیے بریڈڈ لائن کا استعمال کریں۔ اگر پانی زیادہ شفاف ہو تو فلوروکاربن لائن بہتر انتخاب ہے۔ ٹرولنگ کی ریل پر 30 سے 40 پاؤنڈ تک کی لائن استعمال کی جاتی ہے۔

     جھیری (Lure) 

جھیری ایک قسم کا آلہ  یا مصنوعی چارہ ہے جوشکار کے لیے  چارے کے طور پر استعمال کیا جاتا ہے۔ جھیری مختلف کمپنیوں اور اقسام کی ہوتی ہیں جو مختلف گہرائیوں میں استعمال کی جاتی ہیں۔   زیادہ تر   Halcoکمپنی کا 190 XDD جھیری استعمال کیا جاتا ہے۔ سردیوں میں زیادہ گہرائی والے   Strom Xrap Strech   کمپنی کے جھیری استعمال کیے جاتے ہیں۔   جھیری مختلف رنگوں میں آتی ہے، جو شکار کے دوران پانی کے رنگ اور موسم کے لحاظ سے استعمال کی جاتی ہے۔ 

     ٹرولنگ کے لیے Lures :

  ٹرولنگ کے دوران مختلف اقسام کے  Lures استعمال کیے جاتے ہیں جن کا انتخاب پانی کی حالت، موسم اور شکار کی قسم پر منحصر ہوتا ہے۔

Spoonsیا پتاشے:  یہ دھات سے بنی ہوتی ہیں اور چمکتی ہیں، جس کی وجہ سے مچھلی انہیں شکار سمجھ کر حملہ کرتی ہے۔ یہ روشنی کو منعکس کرنے کی صلاحیت رکھتی ہیں اور   دھوپ والے دنوں  میں مؤثر ہوتی ہیں۔  

Spoons Steel	ریفلیکٹر والے پتاشے

  Crankbaits: یہ مصنوعی مچھلیاں ہوتی ہیں جو مختلف رنگوں اور ڈیزائن میں آتی ہیں۔ یہ پانی میں حرکت کرتی ہیں جیسے زندہ مچھلی ہو۔ یہ   گہرے پانی  میں زیادہ مؤثر ثابت ہوتی ہیں۔

Crankbaits	مصنوعی مچھلیاں

  Soft Plastics: نرم مواد سے بنے ہوتے ہیں اور زیادہ قدرتی دکھائی دیتے ہیں۔ یہ زیادہ تر   شالو واٹر  میں استعمال کیے جاتے ہیں۔

Soft Plastics	ربڑ سے بنی مصنوعی مچھلیاں

Diving Plugs: یہ خاص طور پر   گہرے پانیوں  میں استعمال کیے جاتے ہیں، کیونکہ یہ پانی میں زیادہ گہرائی تک پہنچتے ہیں۔

Halco Deep Diving Plug Lure	لکڑی  سے بنی مصنوعی مچھلیاں

گرمی کے موسم میں ٹرولنگ کی گائیڈ لائنز:

1.   دھوپ والا دن:

Lures کا رنگ : دھوپ میں  چاندی،   سفید، اور   نیلا  رنگ زیادہ مؤثر ہوتا ہے، کیونکہ یہ روشنی کو منعکس کرتے ہیں اور مچھلی کو اپنی طرف متوجہ کرتے ہیں۔

گہرائی : شالو واٹر  (10 سے 20 فٹ) میں ٹرولنگ کریں، کیونکہ مچھلیاں روشنی کی وجہ سے سطح کے قریب آ جاتی ہیں۔

Lures کی اقسام :       Spoons  اور  diving plugs  بہتر ہوتے ہیں، کیونکہ یہ روشنی میں چمکتے ہیں اور مچھلیاں ان پر حملہ کرتی ہیں۔

دھوپ والےدن ٹرولنگ
Halco Laser Pro 160DD Lure – Colour H53 White Redhead	Halco Laser Standard 160mm 1m Diver	Halco Laser Pro 160DD Lure – Colour H90 Blue Fluoro
Spoon with Reflectors	Colored Spoons	Silver Spoon

2.   چھاؤں یا بادلوں والا دن:

Lures کا رنگ : بادلوں میں  گہرے رنگ  (کالا، بنفشی، اور سرخ) زیادہ مؤثر ہوتے ہیں، کیونکہ یہ رنگ پانی میں زیادہ نمایاں ہوتے ہیں۔

گہرائی :  گہرے پانی  (20 سے 50 فٹ) میں ٹرولنگ کریں، کیونکہ مچھلیاں کم روشنی میں گہرائی میں جاتی ہیں۔

Lures کی اقسام :  Jigs  اور  Crankbaits  جیسے Lures بہتر ہیں، کیونکہ یہ پانی میں قدرتی حرکت کرتے ہیں۔

چھاؤں یا بادلوں والےدن ٹرولنگ
Halco Laser Pro 160DD Lure – Colour Alvin	Halco Laser Pro 160DD Lure – Colour Black	Halco Laser Pro 160DD Lure – Colour Red
Spoon Purple Demon with Reflector.	Black Spoon Reflector	Red Spoon with Reflector

سرد موسم میں ٹرولنگ کی گائیڈ لائنز:

1.   دھوپ والا دن:

Lures کا رنگ : سردیوں میں دھوپ میں  فطری رنگ  (سبز، چاندی، اور براؤن) زیادہ کامیاب ہوتے ہیں۔

گہرائی : سرد موسم میں  40 سے 70 فٹ  کی گہرائی میں ٹرولنگ کریں، کیونکہ مچھلیاں سطح سے نیچے گہرے پانی میں چلی جاتی ہیں۔

Lures کی اقسام : Deep-diving crankbaits  یا   weighted spoons  کا استعمال کریں تاکہ لالچ گہرائی تک پہنچ سکے۔

موسم  سرما میں دھوپ والےدن ٹرولنگ
Halco Laser Pro 190 Trolling Lure 185mm 47g King Brown	Halco Laser Standard 160mm 1m Diver	Halco Laser Pro 160DD Lure – Colour Fluoro Green
Spoon Brown with Reflector	Silver Spoon with Reflector	Spoon Green with Reflector

2.   چھاؤں یا بادلوں والا دن:

Lures کا رنگ : بادلوں والے دنوں میں  روشن رنگ  (پیلا، نارنجی) کا استعمال زیادہ مؤثر ہوتا ہے۔

گہرائی : مچھلیاں گہرے پانی میں ہوتی ہیں، اس لیے  50 سے 80 فٹ  کی گہرائی میں ٹرولنگ کریں۔

Lures کی قسم :  Weighted lures  یا  deep-diving plugs  کا استعمال کریں۔

موسم  سرما میں بادلوں والےدن ٹرولنگ
Halco Laser Pro 190 Trolling Lure 185mm 47g King Brown	Halco Laser Standard 160mm 1m Diver	Halco Laser Pro 160DD Lure – Colour Fluoro Yellow
Brown Spoon with Reflector	Silver Spoon with Reflector	Yellow Spoon with Reflector

اگر جھری (Lure) کی چال ٹھیک نہیں بن رہی تو کیا کریں؟

کراچی کے ساحلی پانیوں میں ٹرولنگ کرتے وقت جھری(لوئر) کی قدرتی حرکت کو برقرار رکھنا کامیاب شکار کے لیے بہت اہم ہے۔ یہاں کے پانی میں کرنٹ، گہرائی اور مختلف اقسام کی مچھلیوں کو مدنظر رکھتے ہوئے جھری(لوئر) کی حرکت کی درستگی کے لیے درج ذیل یہ اقدامات کریں:

1۔ ابتدائی تیاری

• جھری(لوئر) کا انتخاب:

• کراچی کے پانی میں استعمال ہونے والے عام جھری(لوئر) میں ڈائیورز(مچھلی نما جھری) (Minnow Lures)، ٹونا فیدر(Tuna Feathers), Helco اور رَیپالا (Rapala)مشہور ہیں۔

• مچھلی کی قسم جیسے کند، سرمئی، سنگرا، سارم، صافی، ٹونا، یا گھسر کو ہدف بنا کر صحیح جھری(لوئر) کا انتخاب کریں۔

• جھری(لوئر) کی حالت چیک کریں:

• یقینی بنائیں کہ جھری(لوئر) کے ہُکس (کانٹے یا تگاڑا)اور آئلٹس یا چمچ(جہاں لائن لگی ہوتی ہے) ٹھیک ہیں اور کوئی مڑاؤ یا نقصان نہیں ہے۔
• اگر جھری(لوئر) میں پہلے سے موجود وزن یا فِنز(پر) ہیں، تو انہیں بھی چیک کریں۔

• صحیح جھری(لوئر) اور لائن کی ہم آہنگی:

• کراچی کے ساحل کے قریب پانی میں ہلکے وزن کے جھری(لوئر) کا استعمال مناسب ہے، جبکہ گہرے پانی میں بھاری وزن کے جھری(لوئر) بہتر کارکردگی دکھاتے ہیں۔

2۔ ٹرولنگ کے دوران جھری(لوئر) کی حرکت کا جائزہ

• پانی میں حرکت دیکھیں:

• کشتی کو درمیانی رفتار (4-6 ناٹ) پر چلائیں اور جھری(لوئر) کو پانی میں چھوڑ کر اس کی حرکت کا مشاہدہ کریں۔
• اگر جھری(لوئر) غیر متوازن یا دائیں بائیں جا رہا ہو تو اسے درست کریں۔
• لائن کا تناؤ: تناؤ یا ڈریگ مناسب رکھیں تاکہ جھری(لوئر) اپنی قدرتی حرکت کرے اور کرنٹ کے دباؤ میں نہ آئے۔

3۔ جھری(لوئر) کی حرکت کو درست کریں

• آئلٹ یا چمچ   کی ایڈجسٹمنٹ کریں:

• اگر جھری(لوئر) ایک طرف جھک رہا ہے تو آئلٹ یا چمچ کو مخالف سمت میں ہلکے سے موڑیں۔
• مثال کے طور پر، اگر جھری(لوئر) دائیں طرف جا رہا ہے تو آئلٹ یا چمچ کو بائیں طرف موڑیں۔
• اگر جھری(لوئر) بائیں طرف جا رہا ہے تو آئلٹ یا چمچ  کو دائیں طرف موڑیں۔

• وزن کا اضافہ یا کمی کریں:

• گہرے پانی میں ٹرولنگ کرتے وقت جھری(لوئر) کی گہرائی بڑھانے کے لیے معمولی وزن شامل کریں۔
• اگر جھری(لوئر) بہت زیادہ ڈوب رہا ہے، تو وزن کم کریں۔

• رفتار ایڈجسٹ کریں:

• کراچی کے سمندر میں مختلف کرنٹس کی وجہ سے کشتی کی رفتار 5-7 ناٹ رکھیں تاکہ جھری(لوئر) اپنی قدرتی حرکت برقرار رکھ سکے۔

4۔ ٹیسٹنگ اور مشاہدہ

• ٹروِلنگ کی رفتار کے ساتھ جھری(لوئر) کا ٹیسٹ کریں:

• کشتی کے پیچھے جھری(لوئر) کو چھوڑیں اور دیکھیں کہ وہ کس طرح حرکت کر رہا ہے۔
• اگر جھری(لوئر) مناسب انداز میں حرکت نہیں کر رہا تو کشتی کی رفتار کم کریں یا جھری(لوئر) کی پوزیشن تبدیل کریں۔

• کرنٹ اور ہواؤں کے مطابق ایڈجسٹ کریں:

• کراچی کے پانی میں کرنٹ کی شدت کو مدنظر رکھتے ہوئے لائن کو مزید باہر چھوڑیں تاکہ جھری(لوئر) کرنٹ کے نیچے صاف پانی میں پہنچے۔

5۔ صحیح سامان کا استعمال

• معیاری جھری(لوئر)ز:

• کراچی کے پانی میں Halco، Yo-Zuri، Rapala جیسے برانڈز کے جھری(لوئر)ز بہتر نتائج دیتے ہیں۔
• ان جھری(لوئر)ز میں قدرتی حرکت اور رنگ مچھلیوں کو زیادہ راغب کرتے ہیں۔

6۔ ماحول کے مطابق ایڈجسٹمنٹ

• کرنٹ کی شدت:

• تیز کرنٹ میں کشتی کی رفتار کم کریں اور جھری(لوئر) کو مزید باہر چھوڑیں تاکہ وہ نیچے صاف پانی تک پہنچ سکے۔
• کم کرنٹ میں رفتار کو بڑھا کر جھری(لوئر) کی حرکت کو مزید قدرتی بنائیں۔

• گہرائی:

• گہرے پانی میں بھاری جھری(لوئر)ز یا وزن استعمال کریں تاکہ وہ مطلوبہ گہرائی تک پہنچ سکیں۔
• ساحلی پانی میں ہلکے جھری(لوئر)ز بہتر رہتے ہیں۔

7۔ بار بار جانچ

• ہر شکار کے بعد جھری(لوئر) کی حالت چیک کریں:

• یہ دیکھیں کہ ہُکس، آئلٹس یا جھری(لوئر) کے فِنز مچھلی کی اسٹرائیک کی وجہ سے خراب تو نہیں ہوئے۔
• لائن کی حالت دیکھیں:
• لائن کے مروڑ یا الجھاؤ کو دور کریں تاکہ جھری(لوئر) کی حرکت متاثر نہ ہو۔

ٹرولنگ کے لیے اہم نکات

1. کشتی کی رفتار درست رکھیں:
   • کراچی میں ٹرولنگ کے لیے 4-6 ناٹ کی رفتار زیادہ موزوں ہے۔
2. اضافی جھری(لوئر) ساتھ رکھیں:
   • خراب جھری(لوئر) کو بدلنے کے لیے متبادل جھری(لوئر)ز ہمیشہ ساتھ رکھیں۔
3. پیشگی تیاری کریں:
   • کراچی کے سمندری ماحول، کرنٹ اور مچھلیوں کی عادات کو مدنظر رکھتے ہوئے منصوبہ بندی کریں۔

یہ اقدامات کراچی کے سمندری ماحول میں ٹرولنگ کے لیے کامیاب شکار کے امکانات کو بڑھائیں گے۔

     احتیاطی تدابیر:

1. ہوا کا جائزہ لیں : ٹرولنگ کے دوران ہوا کی رفتار اور سمت کو ضرور دیکھیں، تاکہ آپ اپنے کشتی کے کنٹرول میں رہ سکیں۔
2. لائف جیکٹ کا استعمال : گہرے پانی میں ٹرولنگ کرتے وقت لائف جیکٹ پہننا ضروری ہے، خاص طور پر خراب موسم میں۔
3. موسمی حالات کو دیکھیں : بارش یا تیز ہوا میں ٹرولنگ سے گریز کریں، کیونکہ کشتی کو کنٹرول کرنا مشکل ہو سکتا ہے۔
4. کامیاب Lure کا انتخاب : پانی کی شفافیت، روشنی، اور گہرائی کے مطابق Lure کا انتخاب کریں تاکہ شکار کامیاب ہو۔

    ٹرولنگ کے شکار کے لیے اہم مقامات 

پاکستان میں ان شور(Inshore) ٹرولنگ کے لیے رفتار کے اصول اور نکات

پاکستان کے ساحلی پانی، خاص طور پر سندھ اور بلوچستان کے قریب، ان شور ٹرولنگ کے لیے بہترین مواقع فراہم کرتے ہیں۔ یہاں مختلف اقسام کی شکاری مچھلیاں پائی جاتی ہیں، جن کے لیے درست رفتار اور تکنیک کا انتخاب کامیاب شکار کے لیے بہت اہم ہے۔

مختلف مچھلیوں کے لیے ان شور ٹرولنگ کی درکار رفتار

1. سرمئ(King Mackerel):رفتار: 4-6 ناٹس۔ یہ مچھلی درمیانی رفتار پر حرکت کرتے ہوئے چارے پر حملہ کرتی ہے۔
2. گلپت (Trevally):رفتار: 3-5 ناٹس۔ یہ مچھلی نسبتاً کم رفتار پر آسانی سے شکار ہو سکتی ہے۔
3. ٹونا (Tuna):رفتار: 4-7 ناٹس۔ان شور میں ٹونا کی مختلف اقسام پائی جاتی ہیں، جو درمیانی اور زیادہ رفتار پر شکار کرتی ہیں۔
4. آبڑوس (Dorado Mahi Mahi):رفتار: 6-8 ناٹس۔ یہ مچھلی تیز رفتار لوئرز پر حملہ کرتی ہے۔
5. کند-جیرا کند(Barracuda): رفتار: 4-7 ناٹس۔ان شور میں کندکی مختلف اقسام پائی جاتی ہیں، جو درمیانی اور زیادہ رفتار پر شکار کرتی ہیں۔

ٹرولنگ کی رفتار پر اثر ڈالنے والے عوامل

1. زندہ چارہ استعمال کرنے کی صورت میں:
   • رفتار کم رکھیں تاکہ زندہ چارہ قدرتی انداز میں حرکت کرے اور مچھلی کو اپنی طرف متوجہ کرے۔
   • درکار رفتار: 2-4 ناٹس
2. سمندری حالات (لہریں اور ہوائیں):
   • بلوچستان اور سندھ کے پانیوں میں موسم کے مطابق رفتار کو ایڈجسٹ کریں۔
   • اگر لہریں زیادہ ہوں تو رفتار کم کریں اور چارے کو مزید دور چھوڑیں تاکہ صاف پانی میں بہتر کارکردگی دے سکے۔
3. بوٹ یا لانچ کی قسم:
   • چھوٹی کشتی (ہوڑہ) یا درمیانی سائز کی انجن والی لانچ زیادہ عام ہیں۔
   • ان کشتیوں کے پیچھے کم جھاگ پیدا ہوتا ہے، جس سے شکار کے امکانات بہتر ہوتے ہیں۔

مفید ٹرولنگ نکات

1. چارے کی حرکت:
   • زندہ چارے (Live Bait) یا مصنوعی لوئرز (Lures) کے لیے رفتار شکار کی نوعیت کے مطابق رکھیں۔
   • پاکستان کے پانیوں میں Halco 190XDDیا YO-Zuri, Crystal Minnow جیسے لوئرز زیادہ کامیاب ہیں۔
2. سمندر کی لہروں میں شکار:
   • جب لہریں تیز ہوں تو چارے کو زیادہ دور چھوڑیں تاکہ وہ صاف پانی تک پہنچ سکے۔
3. جھاگ کی مقدار کم رکھیں:
   • بوٹ کی رفتار کو ایڈجسٹ کریں تاکہ پانی میں زیادہ جھاگ نہ بنے، جو مچھلیوں کو چارہ دیکھنے سے روک سکتی ہے۔
4. صبح اور شام کا وقت:
   • کراچی اور بلوچستان کے ساحلی علاقوں میں صبح اور شام کے وقت ٹرولنگ زیادہ کامیاب رہتی ہے، کیونکہ اس وقت مچھلیاں سطح کے قریب ہوتی ہیں۔

ان شور ٹرولنگ کے لیے رفتار کو شکار کی نوعیت، موسم، اور لانچ کی قسم کے مطابق ایڈجسٹ کرنا ضروری ہے۔ سرمئی، صافی، ٹونا، سنگرا اور آبڑوس جیسی مچھلیوں کے لیے درست رفتار اور مناسب تکنیک استعمال کریں۔اپنی کشتی کی کارکردگی اور چارے کی قدرتی حرکت کو مدنظر رکھتے ہوئے ان نکات پر عمل کریں تاکہ آپ کا شکار کامیاب اور یادگار ہو۔

ٹرولنگ ایک دلچسپ اور مؤثر طریقہ ہے، مگر کامیابی کا انحصار اس بات پر ہے کہ آپ صحیح Lure، رنگ، اور گہرائی کا انتخاب کریں۔ دھوپ والے دن   چمکدار رنگ، بادلوں والے دن   گہرے رنگ ، اور سرد و گرم موسم میں پانی کی گہرائی کے مطابق Lures استعمال کریں۔

تحریر کی طوالت کے لیے بے حد معذرت  لیکن کوشش کی گئی ہے کہ ایک ہی مظمون میں تمام معلومات تفصیل اور وضاحت کے ساتھ بیان کردی جائیں تاکہ کسی قسم کی تشنگی باقی نہ رہے۔

اس تحریر کے لیے میں اپنے قابل قدر دوستوں اور سینئرز کا بے حد مشکور ہوں جنکی رہنمائی اور معلومات کی بدولت یہ لکھنا ممکن ہوئی جن میں خاص طور پر  یاسر جلال بھائی، عمیر اویس بھائی، عبدالقادر  بھائی،  عبیدبھائی  اور دوسرے احباب شامل ہیں  ۔ امید  ہے کہ آپ کو یہ کاوش  پسندآئی ہوگی اور اسے پڑھنے کے بعد آپکی معلومات میں اضافہ ہوا ہوگا۔  اس تحریر میں مزید بہتری کی گنجائش موجود ہے اوراس سلسلے میں مفید  آراء اور مشورے کو تہہ دل سے سراہا جا ئے گا۔   شکریہ

مزید معلومات اور رابطے کی لیے :