سرمئی یا کنگ میکرل King Mackerel Fish

سرمئی کی تعریف اور معلومات:

سرمئی یا کنگ میکرل ایک ساحلی پیلاجک (Pelagic)نسل ہے ، جس کا مطلب ہے کہ وہ ساحل کے قریب کھلے پانیوں میں رہتے ہیں۔ سرمئی یا  کنگ میکرل عام طور پر 12-45 میٹر (40-150 فٹ) کی گہرائی میں پائی جاتی ہے، جہاں بنیادی ماہی گیری ہوتی ہے بڑی سرمئی تقریبا 115  سے 600 فٹ گہرے پانی میں رہتے ہیں۔یہ 20 سے 29 ڈگری سینٹی گریڈ (68 سے 84 ڈگری فارن ہائیٹ) کی حد میں پانی کے درجہ حرارت کو ترجیح دیتی ہے۔ ۔ بڑی سرمئی (9 کلو گرام یا 20 پاؤنڈ سے زیادہ وزنی) اکثر ساحل پر، داخلی راستوں اور کندی یا نالے کے منہ پر، اور عموما گہرے پانی یا چٹانوں کے گرد پائی جاتی ہے۔کنگ میکرل پانی کے درجہ حرارت ، موسمی تبدیلیوں اور خوراک کی دستیابی میں تبدیلیوں کے ساتھ ہجرت یا  گشت کرتی ہیں۔ سرمئی اکثر بڑے پن یا جھنڈکی شکل  میں رہتے ہیں۔

سرمئی کی رنگت و شناخت :

   سرمئی  یا کنگ میکرل کی  پیٹھ بھوری  اور اسکے اطراف  چاندی  کی  سی رنگت کی ہوتی ہے۔ان پر کمر کی جانب سے درمیانی سطح تک دھاریاں ہوتی ہیں اور انکے پر پیلے سیاہی مائل ہوتے ہیں۔ چھوٹی مچھلی  میں بعض اوقات ہسپانوی سرمئی کی طرح دھبے ہوتے ہیں ،  پورا جسم بہت چھوٹے، مشکل سے نظر آنے والے، معمولی سے جڑے ہوئے چھلکوں سے ڈھکا ہوا  ہوتاہے۔بدن کے پہلے حصے میں ریڑھ کی ہڈیوں کی نسبتا کم تعداد (14-16)  ہوتی ہے۔  وہو مچھلی  کو اکثر سرمئی مچھلی بتا کر فروخت کیا جاتا ہے ہالانکہ وہو اور کنگ میکرل میں بآسانی  فرق کیا جاسکتا ہے کیونکہ وہو کے دانت چھوٹے اور زیادہ قریب سے بند ہوتے ہیں۔ جبکہ سرمئی کے دانت بڑے اور منہ لمبا ہوتا ہے

کنگ میکرل گیم فش میں سے ایک ہے۔مچھلی شکار کے کھیل میں سرمئی دنیا بھر  میں اپنی تیز رفتار ی کے لئے جانی جاتی ہے ، کنگ میکریل اپنے دور دراز کے رشتہ دار ،   وہو سے رفتار میں مماثلت رکھتی ہے۔

سرمئی کی خوراک:

سرمئی یا کنگ میکرل ایک پُرجوش، موقع پرست گوشت خور  شکاری مچھلی ہے۔ ان کا شکار ان کے سائز پر منحصر ہوتا ہے. یہ جگہ اور موسم کے لحاظ سے میہ،  سارڈین  یا لوئر ، بانگڑہ ، بوئی اور چمکدار جلدوالی  چھوٹی مچھلیوں کو ترجیح دیتی ہے۔ یہ انسانوں پر حملہ نہیں کرتی ہیں لیکن مبینہ خطرات کے خلاف اپنا دفاع ضرور کرتی ہے ۔

سرمئی کی  افزائش نسل :  

مادہ اپنے  انڈے اور نر نطفے سمندر میں بہاتے ہیں  اور اتفاق سے ان کا ملاپ ہوتا ہے۔مادہ  سرمئی کے سائز یا جسامت پر منحصر کرتا ہےکہ ایک مادہ بارآوری کے موسم میں 50،000 سے لے کر کئی لاکھ انڈے دے سکتی ہے۔فرٹیلائزڈ انڈے تقریبا 24 گھنٹوں میں بنتے ہیں۔ نیا پیدا ہونے والا لاروا تقریبا 2.5 ملی میٹر (0.098 انچ) لمبا ہوتا ہے جس میں ایک بڑی زردی  نما  مادہ ہوتا ہے۔ سرمئی کے پہلے سال میں انکے بارے میں بہت کم اندازہ لگایا جاسکتا ہے کہ یہ مچھلی نر ہے یا مادہ  ۔ سرمئی مچھلی  کا عام طور پر 1.4تا1.8 کلوگرام (3.1-4.0 پاؤنڈ) کا اوسط وزن اور 60 سینٹی میٹر (24 انچ) کی کھانے قابل لمبائی یا قد  حاصل کرتی ہے۔ سات سال کی عمر میں، مادہ  سرمئی  اوسطا  10 کلو گرام (22 پاؤنڈ) اورنر 5 کلو گرام (11 پونڈ) تک پائے جاتے ہیں۔ کنگ میکرل کا وزن   40کلو گرام (88 پاؤنڈ) تک پہنچ سکتا ہے، لیکن 7 کلو گرام (15 پاؤنڈ) سے زیادہ کا وزن تقریبا یقینی طور پر ایک مادہ مچھلی کا ہوتا ہے۔   انکی عمر 20 سال تک  ہوسکتی ہے۔  

سرمئی کا شکار:

    سرمئی کا شکار 2 طرح سے کیا جاتا ہے۔

1 – ٹرالنگ کے ذریعے

     2- تارو کے ذریعے

 1-ٹرالنگ کے ذریعےسرمئی کے شکار:

انہیں زیادہ تر ٹرو لنگ کے ذریعے شکار جاتا ہے، مختلف زندہ اور مردہ  چارہ مچھلی،  چمچوں (Spoons)، جگوں (Jig)  اور دیگر مصنوعی چارہ   (Lure)کا استعمال کرتے ہوئے شکار کیا جاتا ہے۔  بڑے شکاری  عام طور پر جب زندہ چارہ استعمال کرتے ہوئے سرمئی کا شکار کرتے ہیں تو  وہ عموما دو ہک  یا کانٹے  استعمال  کرتے ہیں جو ایک مضبوط اسٹیل یا لوہے کی تار سے جڑے ہوتے ہیں۔ پہلا ٹریبل  (تگاڑا) یا سنگل کانٹا  ہوسکتا ہے جو زندہ چارے کی ناک  یا منہ میں پرویا ہوا  ہوتاہے۔ جبکہ دوسرا ہک (ٹریبل ہک یا تگاڑا) مچھلی کی پیٹھ کے اوپری حصے میں لگایا جاتا ہے یا آزاد لہراتا ہوا  چھوڑ دیا جاتا ہے۔ چارے کا  اسطرح سے لگانا ضروری ہے کیونکہ سرمئی یا  کنگ میکرل عام طور پر چارے کی مچھلی کے دم کے والے حصے پر حملہ یا اسٹرائیک کرتی ہے۔ اس طریقہ کار کا استعمال کرتے ہوئے سرمئی کے لئے ٹرولنگ کرتے وقت ، اس بات کو یقینی بنانا ضروری ہے کہ بیٹ فش  یا چارہ صحیح طریقے سے تیر رہا ہے۔ عام طور پر شکار کے آلات میں ایک روایتی یا اسپننگ ریل شامل  ہوتی ہے جو 340 میٹر (370 گز) لمبی اور 13  کلوگرام (29 پاؤنڈ)  طاقت والی چیک شدہ مونوفلامنٹ لائن اور 2 میٹر لمبا (6 فٹ 7 انچ)، 13 کلوگرام (29 پاؤنڈ) گلاس راڈ  پر مشتمل ہوتی ہے۔ ٹرولنگ کے لوئرز میں ریڈہیڈ کروم، بلیو ہیڈ کروم  وغیرہ کافی کامیاب لوئرز ہیں جبکہ پانی اور موسم کی مناسبت سے دوسرے رنگ بھی استعمال کے جاسکتے ہیں۔

ٹرالنگ کے ذریعےسرمئی کے شکار کے لیے درکار اشیاء         

(Lures and Spoons for King Mackerel)

+Halco Laser Pro 190 DD Crazy Deep Red Head 6
Silver Spoon Simple	Silver Spoons with Reflectors
Shimano Reel	Shimano TLD Rod and Reel

ٹرولنگ کے دوران لوئرز اور لائن استعمال کرنے کا درست طریقہ

ٹرولنگ کے دوران لوئرز اور لائن استعمال کرنے کا درست طریقہ

2-تارو یا فلیٹ لائن کے ذریعےسرمئی کے شکار:

تارو کا موسم کراچی میں کوئٹہ کی ہوا چلنے کے بعد عموماً ومبر سے جنوری کے مہینے تک ہوتا ہے جب موسم قدرے ٹھنڈا ہو جاتا ہے۔  تارو  خاص طور پر سرمئی کے شکار کے لیے کھیلا جاتا ہے جبکہ اس میں عام طور پر  کچھ اوپر کی مچھلیوں کا جیسے کہ  آبڑوس، سنگرا ،مُلا اور سارم  اور کُندوغیرہ کا شکار بھی  ہوتا ہے جبکہ اگر پانی کا کرنٹ کم ہو اور ڈور تہہ میں بیٹھ جائے یا شکاری خود باٹم کا شکار کھیلے تو  گھسرکا شکار بھی ہوتا ہے۔

تارو  شکار کے لیے صبح روشنی سے پہلے نکل جائیں اور جتنی جلدی ہو سکے شکار کے پوائنٹ پر پہنچ جائیں۔ تارو عموماً صبح سورج نکلنے سے شام سورج غروب ہونے تک کھیلا جاتا ہے۔ تارو کے شکار میں کشتی ایک جگہ لنگر انداز یا اینکر کرنے کے بعد ہٹائی نہیں جاتی بلکہ صرف شکار سے  واپسی کے وقت ہی لنگر نکالا جاتا ہے۔

تارو میں استعمال ہونے والا چارہ: تارو میں سب سے اہم چیز چارہ ہوتا ہے۔

(Sardine)لوئر	(Indian Mackerel)بانگڑہ مچھلی

چارہ بالکل تازہ ہونا ضروری ہے ۔ چارہ جتنا زیادہ پُرانا ہو گا اتنا  ہی خراب نتیجہ یا رزلٹ ملے گا۔ تارو میں چارے کا استعمال دو جگہ پر ہوتا ہے۔        

1-چھٹ کرنے کے لئے                  

2-کانٹے میں لگانے کے لئے

چھٹ:  چارے کو ہاتھوں کے ذریعہ چھوٹے چھوٹے ٹکڑے کر کے یا اسے برتن میں ڈال کر پیسنے کے بعد  پانی میں ڈالنے کو چھٹ کرنا کہتے ہیں۔ تارو میں چھٹ  رکتی نہیں بلکہ چلتی رہتی ہے ۔  چھٹ کی لیے عموماً درجہ دوم کا چارہ استعمال کیا جاتا ہے۔ عام طور پر اگر پورے دن کے شکار پر جانا ہو تو کم و بیش دس کلو تک کا چارہ  بھی چھٹ میں استعمال کیا جاتا ہے

تارو کے لیے استعمال ہونے والے کانٹے اور ڈور یاں:

35 پاؤنڈ سے50 پاؤنڈ کی ڈور، 8 نمبر  جے ہک (J-Hook) یا سرکل ہک(Circle Hook)اورسافٹ لیڈر اسٹیل وائر(کم از کم 35 سے 40 پاؤنڈ) استعمال کی جاتی ہے۔  اس کے علاوہ پٹی وزن استعمال کیا جاتا ہے۔

J-Hooks / Circle Hooks	Mega Abrasion Line 35lb	30 پاؤنڈ اسٹیل وائر

تارو کی ڈوری یا  لائن بنانے کا مختصر طریقہ:

کانٹے کو تقریباً 1سے 1.5 فٹ اسٹیل وائر سے بالکل اسی طرح باندھیں جیسے عام لائن سے باندھتے ہیں۔  اب مین لائن یا ڈوری کو اس سے باندھ لیں اور پٹی وزن کو کانٹے سے ایک وام اوپر لگائیں۔وام: اپنے دونوں ہاتھوں کو مخالف سمت میں سیدھا کرنے کے بعد ایک ہاتھ کی انگلیوں سے دوسرے ہاتھ کی انگلیوں تک کا فاصلہ ایک وام کہلاتا ہے۔

تارو کی ڈور	تارو کی ڈور	وام

بوٹ یا کشتی اینکر ہونے کے فورا بعد، سب سے پہلے پانی کی گہرائی ناپی جاتی ہے ۔اس مقصد کے لیے کوئی بھی وزن ڈوری کے ساتھ باندھ کر اسے پانی میں پھینکا جاتا ہے اور جب وہ پانی کی تہہ یا باٹم پر لگ جائے تو پھر اس ڈوری کو نکالتے ہوئے وام کی صورت میں ٹوٹل گہرائی کو ما پا جاتا ہے۔

تارو شکار کے لیے کتنی ڈور یاں کرنی چاہیے؟

کم از کم 4 ڈوریوں میں چارہ لگا کر پانی میں تہہ سے اوپر  مختلف وام پر پھینکا جاتا ہے ۔ڈور کو 1 وام سے لے کر 4 وام اونچائی رکھا جاتا ہے۔ یہ گہرائی پانی کے کرنٹ کے حساب سے طے کی جاتی ہے ۔ اگر کرنٹ نارمل ہے تو یہی ترتیب رکھی جاتی ہے ، اگر بہت کم ہے تو پھر درست لمبائی کا خاص تعین کیا جاتا ہے جبکہ  کرنٹ زیادہ ہونے کی صورت میں   لمبائی زیادہ رکھی جاتی ہے تاکہ وہ مطلوبہ گہرائی پر پہنچ سکے۔

تارو کے دوران کشتی کے سامنے کا منظر	تارو کے دوران کشتی کے اوپر سے منظر

تارو شکار کے لیے چارہ لگانے کے طریقے:    

  تارو کے لیے 5مختلف طریقوں سے چارہ  لگایا جاتا ہے جس میں

• ثابت بانگڑہ   لگا کر
• سیدھی اور الٹی کتاب کی صورت میں
• برفی کی صورت میں
• لڈو کی صورت میں
• کیک کی صورت میں

اگر ڈور پر اسٹرائک (مچھلی لگنا) یا چال  نہ ہو رہی ہو تو کم از کم چالیس سے پچاس منٹ کے بعد چارہ تبدیل کریں اور چھٹ مسلسل جاری رکھیں۔ اسڑائک کی صورت میں باقی شکاری اپنی  ڈور یاں فورا لپیٹ  لیں تاکہ مچھلی اگر کشتی کے گرد گھومے تو ڈور یاں آپس میں الجھ کر خراب نہ ہوں ۔ ورنہ اکثر اس وجہ سے اسڑائک کے ضائع ہونے کا امکانات ہوتے ہیں۔ 

سرمئی مچھلی کی غذائیت اور افادیت:  King Mackerel Nutrition (Grilled and Baked)

1. بلڈ پریشر کو کم کرنے میں مدد
2.  کولیسٹرول کو کم کرنے میں مدد مل سکتی ہے
3.  ڈپریشن کے خلاف لڑنے میں مدد کرتا ہے
4. ہڈیوں کو مضبوط کرتا ہے
5. وزن میں کمی کو فروغ دیتا ہے

King Mackerel Grilled Fish سرمئی گرل فش Weight (100g) of boneless fish Cal: 222 •Carbs: 0.41g •Fat: 13.79g •Protein: 22.59g	King Mackerel Homemade سر مئی فرائی مچھلی Weight, 100 gms of boneless (yield after cooking) Cal: 205 •Carbs: 0g •Fat: 13.9g •Protein: 19g