دندیا پھُگیا-Sea Bream Fish
تعریف اور معلومات:
دندیا ساحلی ندیوں، نالیوں، جھیلوں اور خلیجوں میں، عام طور پر سمندری یا کھارے پانی (Brackish water) میں پائی جاتی ہے جو نہ میٹھا ہو اور نہ بالکل سمندری کھارے پانی جیساہو ، Estuaries ایک جزوی طور پر بند، ساحلی آبی ذخائر ہے جہاں دریاؤں اور ندی نالوں کا میٹھا پانی سمندر کے کھارے پانی کے ساتھ مل جاتا ہے ۔لیکن خشک موسموں میں یہ تازہ پانی کے نچلے ترین حصے میں چلی جاتی ہے ۔اسکی رہائش گاہ زیادہ تر ساحلی اور سمندری چٹانوں میں ہوتی ہے۔ ۔دندیا دریاؤں میں اوپر کی طرف کھارے پانیوں کی حد تک داخل ہوتی ہیں۔ یہ اپنی خوراک کے جگہ سے اپنے انڈے دینے کی جگہ کی طرف ہجرت کرتی ہیں۔ بنیادی طور پر سردیوں میں دریا کے داخلی راستوں (کندی) کے آس پاس میں موجود ہوتے ہیں۔
|
مقام و جائے وقوع: کیماڑی (عباسی، ۹ مائل، کےپی ٹی کچرا، فائن بویا، پسٹن، بونیا وغیرہ)، عبدالرحمان گوٹھ(چکول، گنگا رام، میٹنگ، بتی)، مبارک ویلج، دو دریا اور پورٹ قاسم اسکے علاوہ مینگروز میں بڑے سائز کے دندیا پائے جاتے ہیں۔ |
پانی میں وقوع:
یہ کم از کم1 سے 2 وام سطح سمندر سے نیچے 10 میٹر اور زیادہ سے زیادہ 60میٹر گہرائی میں یا پانی کی تہہ میں پائی جاتی ہے۔ |
| لائن/ڈوری: 15 سے 25 پاؤنڈ(lb) | ہک/کنڈے: 16 /15/14 نمبر کے J-Hook |
| وزن: گولی وزن 1،2 نمبر/پٹی وزن پانی کے کرنٹ کے مطابق | چارہ: مرغی کی انتڑیاں،جھینگا، آٹا، لوئر، میہ، کیچوا، بوئی اور کیکڑے وغیرہ |
دندیا کی پہچان و رنگت:
دندیا کا شمار کراچی میں کثیر تعداد میں پائی جانے والی مچھلیوں میں ہوتا ہے اس کی دو اقسام ہیں ایک زیر نظر سفید اور دوسرا ہلکا سرمئی جسے ”کالا دندیا“ بھی کہتے ہیں۔کراچی کا موسم خواہ کیسا ہی ہومگر یہ ہر موسم میں موجود ہوتی ہے‘ دندیا کے خدو خال والی دیگر مچھلیوں میں قسی‘ کپرتان‘ ڈانٹھی‘ پھوکیا‘ نیارا‘ کوُکڑی اور داند شامل ہیں۔ دندیا کا وزن ایک کلو گرام تک ہوتا ہے مگر ذائقہ دار دندیا کے لئے 250گرام تک کا انتخاب بہتر رہتا ہے‘ زیادہ بڑی ہونے کی صورت میں اس کا گوشت سخت ہوتا ہے۔ چاند کی اجالی راتوں (یکم سے 14) تک دندیا کا گوشت سفید رنگت کا ہوتا ہے اس کے بعد (15سے 29 تک) رنگت ہلکی ہوجاتی ہے اور ذائقے میں پچاس فی صد تک کمی ہوجاتی ہے‘ پھر اجالی راتوں میں لذیذ ہوجاتا ہے۔
دندیا کی افزائش نسل و نشوونما:
انڈے پلاکٹونک ( پانی کے بہاؤ کے ساتھ بہنے والے) ہوتے ہیں اور انڈے سے لاروا کی پیدائش 2.5 دن کے بعد ہوتی ہےجبکہ مزید 4 ہفتے بعد یہ مکمل مچھلی کی شکل اختیار کرتی ہے۔ انکی آبادی کا ایک حصہ انڈے دینے کے بعد اپنی جنس مرد سے عورت میں تبدیل کرتا ہے۔ انکی خوراک میں mollusks (گھونگے، سلگس، میہ اور آکٹوپس) ، crustaceans (کیکڑے، لابسٹر، جھینگا)، کیڑے ، چھوٹی مچھلی(لوئر، بوئی، بانگڑہ، وغیرہ)، کیچوا اور آٹا شامل ہیں۔یہ بنسبت کالے دندیا کے آہستہ نشوونما پاتی ہے۔5 سال کی عمر میں اسکی لمبائی 9انچ تک بڑھتی ہے۔ جبکہ اب تک ا س نسل کی 23 انچ لمبی اورتقریبا 4 کلوگرام تک وزنی مچھلی ریکارڈ کی گئی ہے۔
دندیا کی خوراک:
یہ سمندر میں موجود اپنے سے چھوٹے ہر قسم کے زندہ جانور کو شکار کر تی ہے جبکہ اپنے سے بڑے مردہ جانوریا مچھلی کو بھی ہڑپ کرلیتی ہے۔ دندیا گہرے اور کم گہرے دونوں قسم کےپانیوں میں پائی جاتی ہے۔ مرغیوں کی انتڑیاں اس کی پسندیدہ غذا ہے‘ عام چارہ مثلا آٹا‘ کیچوے اور جھینگے کے شکار کو یہ آہستہ آہستہ کھاتی ہے مگر کاٹنے کے ساتھ اگر مرغی کی انتڑیاں لگی ہوں تو کانٹامنہ میں کافی گہرائی تک چلا جاتا ہے ، گجا کر لیتی ہےاور ڈور کو کاٹنا ضروری ہوجاتا ہے۔ کراچی فشری میں ایک کلو وزنی دندیا کی قیمت گرمیوں کے موسم میں 500 روپے اور سردیوں میں قیمت 700تک ہوجاتی ہے جبکہ چھوٹی دندیا (ایک کلو گرام میں سات سے آٹھ عدد) کی قیمت 250 سے 300 روپے کلو اور سردیوں میں 500 سے 700تک ہوجاتی ہے۔ موسم سرما کے برعکس موسم گرما میں دندیا کے گوشت میں زیادہ لذت ہوتی ہے۔
